Hátíðarguðsþjónusta á sjómannadag
Hátíðarguðsþjónusta verður á sjómannadag í Hólskirkju að lokinni skrúðgöngu frá Brimbrjótnum til kirkjunnar.
Skrúðgangan frá Brjótnum verður farin kl. 13:30 og guðsþjónustan hefst kl. 14:00.
Baldur Smári Einarsson, forseti bæjarstjórnar Bolungarvíkur, flytur ræðu í guðsþjónustunni og kór bolvískra karla syngur. Sr. Ásta Ingibjörg Pétursdóttir þjónar fyrir altari.
Að guðsþjónustunni lokinni verður gengið í Grundarhólskirkjugarð og lagðir blómsveigar að minnismerkjum sjómanna í garðinum.
Sýnt verður beint frá guðsþjónustunni á vefnum og er söfnuðurinn hvattur til að nýta sér þá þjónustu og koma þannig til móts við takmarkanir sóttvarnaryfirvalda vegna farsóttarinnar.